من مصطلحات الشعب السعودي !

بسم الله الرحمن الرحيم

السلام عليكم ورحمة الله وبركاته

أشهر مصطلحات الشعب السعودي الدارجة في أغلب مناطق المملكة 1_ الدلخ وهذا إنسان غبي جدًا ويرفع الضغط ...وينرفز الواحد على أقل حاجة يسويها .. وأكثر من يعاني منه المدرسين وأهله. 2_ المنسم طبعًا التسمية راجعة إلى تهريب الهوا من راسه ... والسبب في ذلك هو إن في راسه فتق لذلك تلقاه دايم يغطس راسه في سطل مويه عشان يعرف من وين التنسيم . 3_ المهوي هو مرحلة متأخرة من التنسيم والمهوي .. وصل لمرحلة متأخرة جدًا بحيث يفقد أهله أيضًا فإن : الشخر المخر أو أبو مشخر هي مصطلحات تطلق لشخص من نفس فصيلة المنسم ! 4_ السلنتح قليل الأدب .. كل شي فيه لا يطاق ولا يمكن تحمله 5_ جحلط (بتشديد اللام) وهم مرحلة متقدمة للسلنتح 6_ مزلب يعني بايعها بتراب .. 7_ مسقح يعني طاير في العجة وهو ماعنده ماعند جدتي .. يعني بالعربي الفصيح من جنب العارضة 8_ الصتيمة وهو الشخص اللي ماعنده ما يدري وين الله قاطنه ..!!..ويصدق أي شي يقال له 9_ المسبه او المسبوه هو الشخص اللي يكون مروعينه ومخوفينه في صغره .. لدرجه إنه يصبح شبه فاقد للعقل 10_ المفهي هذا الله يخلف عليه .. مهما تقول له او تصارخ عليه تلقاه فاتح فمه وبس .. وإذا كلف عمره وتفاعل معك رد عليك وقال لك: هاه... 11_ الحقنة هو الشخص الغثيث اللي مايفكك لين تعطيه اللي يبيه منك ومهما تسوي له عشان تصرفه عن الموضوع حقه ينشب في حلقك لين ياخذ منك اللي يبيه وهذا يفسر قول العرب أغث من حقنة .. 12_ العلة هذا اللي ماتاخذ أنت منه أي شي .. ولا عنده استعداد إنه يسمع منك مهما حاولت وهو كالمرض يعلك لين تنفقع مرارتك منه ! 13_ العربجي يظن معظم الناس إن العربجي هو الشخص الشديد حق المشاكل واللي ما يمشي الا وهو مشخص بنت البكار (اسم لطريقة لبس الشماغ عند العرابجة) وحاط مفاتيحه في سلسلة ولابس نعال سجادية ويسحبها تسحيب لين جاء يمشي .. ودايم فاتح صدره ورازنه على فوق وكانك ولد ابوك قله شي بس لكن في الآونة الأخيرة ظهرت إشاعات تقول بان العربجي هو اللي يسوق الحمار اعزكم الله لكن صرح مصدر موثوق من عائلة العرابجة بأن هذه إشاعة مغرضة أطلقها عليهم أحد الخكاري ! 14_ المرجوج هذا ماعمره صلح في حياته .. مايمديك تفتح فمك إلا وطار في العجة بدون مايفهم وش السالفة ! 15 _المطفوق من فصيلة المرجوج ..إلا أن مايميزه هو أنه إذا مر من عند كاس أو جيك أو إبريق أو أي شي سايل لازم يكبه ..برجله وهو مايدري .. لذلك احذر تخليه يصب القهوة لضيوف لأنه لازم يكب القهو’ على ثوب أحد منهم ...!! 16_ السربوت هذا اللي مايخلي مكان مايروح له .. والأوليين كانوا يطلقون هاللقب على من يشرب الدخان لكن الحين الله يخلف الناس تدخن بيدينها ورجلينها وما حد يقول لهم أي شي ! 17_ السمردي وهو من فصيلة السربوت 18_ الداشر هذا قليل الادب .. ولا يحب يماشي الا السرابيت اللي زيه 19_ الملكع أما هذا فيعرف من السكن اللي عايش فيه .. ومهما تحاول تلف وتدور معه تراه فاهم وش تبي بالضبط فلا تتعب نفسك معه 20_ زعيط مسوي نفسه يفهم كل شي وهو من جنبها .. اخرطي في اخرطي 21_ المصرقع وهو كل شخص مايهمه شي .. واي شي يطري على باله يسويه على طول لأنه ماخذ الدعوة بوساعة الصدر والهبال 22_ الخكري نعومه +دلع +ليونة .. الله لا يبلى مجتمعنا بهذي الأشكال 23_ اللزقة هذا الشخص اللي على طول معك وقدامك ووراك وكل شي .. وتطلع من الباب تلقاه .. وين ما تروح تشوفه 24- المروح هذا الشخص اللى ما يشوف الماي إلا فى السنة حسنة يعنى فيه ريحة مقطنة من قلة التسبوح وبمعنى أصح (الله يعين اللي بجنبه) .

تحياتي المحرووقه بوووووووووووووووعلي

ههههههههه مشكووووور خيوووووو بو علي عل الموضوهع دمت بود...

العفوووو اخي بومحمد


ونورت الصفحة بوجودك وطلتك

مشكووووووور بوعلي وماقصرت حقيقة
بس عندي رد بسيط على
_ اللزقة
هذا الشخص اللي على طول معك وقدامك ووراك وكل شي ..
وتطلع من الباب تلقاه .. وين ما تروح تشوفه

في أسم ثاني وهو:الدعلة


ومشكووور بوعلي



divl boy

يسلمووو على المصطلح الجديد

نورت وتعطرت الصفحة بوجودك

صدقت ان اكثر اللي يعانون من الدلخ هم المدرسين

اقول اخوي البرواز شكلك مدرس وعندك دلووخ وااجد

نورت وتعطرت الصفحة بوجودك

هههههههههههههههههههههههههههههههههه
يمكن

هههههههههههههههههههه
يسلمو بو علاوي على الموضوع